Video Editor — Pristina, District of Pristina, Kosovo

Shtëpia botuese “AXghWcEGh” kërkon një VIDEOEDITOR për t’iu bashkuar ekipit.

Kandidati/ja i/e përzgjedhur do të jetë përgjegjës/e për realizimin, editimin dhe montazhin e videomaterialeve të ndryshme , duke kontribuuar në krijimin e përmbajtjeve kreative dhe vizuale për promovimin e produkteve, të aktiviteteve dhe të projekteve të shtëpisë botuese “AXghWcEGh”.

Detyrat dhe përgjegjësitë:

• Realizimi, editimi dhe montazhi i videomaterialeve të ndryshme, në përputhje me udhëzimet dhe kërkesat e ekipit të PR-it dhe të redaksisë;

• Krijimi i videopërmbajtjeve për rrjetet sociale, fushatat promovuese, produktet, aktivitetet dhe projektet e shtëpisë botuese;

• Përshtatja e videomaterialeve për platforma dhe formate të ndryshme digjitale (Instagram, Facebook, TikTok, YouTube etj.);

• Bashkëpunimi me ekipin për zhvillimin dhe realizimin e koncepteve kreative vizuale;

• Propozimi i ideve dhe qasjeve të reja kreative në krijimin e videopërmbajtjeve;

• Sigurimi i cilësisë vizuale dhe teknike të materialeve të përfunduara;

• Menaxhimi i detyrave dhe respektimi i afateve të përcaktuara.

Kriteret:

• Së paku 2 vjet përvojë pune;

• Njohuri të avancuara në programin Adobe Premiere Pro;

• Njohuri në teknikat e montazhit, të përpunimit të ngjyrave dhe të audios;

• Njohuri në përdorimin e mjeteve dhe të aplikacioneve të inteligjencës artificiale (AI) për krijimin dhe përpunimin e videopërmbajtjeve;

• Kreativitet dhe përgjegjësi për estetikën vizuale;

• Aftësi të mira komunikimi dhe bashkëpunimi në ekip;

• Aftësi organizative dhe fleksibilitet për kryerjen e detyrave;

• Portfolio me punime të realizuara në fushën e videoeditimit.

Përparësitë:

• Përparësi kanë kandidatët me përvojë më të gjatë dhe portfolio të pasur;

• Njohja e programit Adobe After Effects;

• Përvoja në krijimin e videopërmbajtjeve për rrjetet sociale dhe fushatat digjitale;

• Njohja e trendeve aktuale në videoeditim dhe storytelling vizual.

Si të aplikoni:

Të interesuarit/at duhet t'i dërgojnë CV-në dhe portfolion e punimeve të tyre në adresën:

••••••••

Aplikimet pranohen deri më: 16.11.2026